Нұр-Сұлтанда 8-қабаттан қызды қағып алған ер адам оқиғаның мән-жайын айтты

Өз өмірін қатерге тігіп, кішкентай қызды құтқарған 36 жастағы Сәбит Шонтақбаев оқиғаның мән-жайын айтып берді, — деп хабарлайды Tengrinews.kz тілшісі.

«Мен Қызылордадан жұмыс істеуге келгенмін. Құрылысшы болып, әртүрлі жұмыс істеймін. Балаларымды бағуым керек. Төрт ұл, үш қызым бар. Балалар Қызылордада тұрады. Үй жалдап, осында жұмыс істеймін», — деді Сәбит Шонтақбаев Tengrinews.kz тілшісіне берген сұхбатында.

Ер адам жұмысқа асығып бара жатып, шығар алдында сегізінші қабатта терезеден асылып тұрған қызды көргенін айтты.

«Мен терезеден ұстанып, асылып тұрған баланы көрдім. Жалғыз ой оны құтқару болды. Сол сәтте өзімді ойлай да алмадым», — деді ол.

Ер адам ептілігі мен дене бітімі әскери карьерасына байланысты екенін түсіндірді. Бұған дейін Сәбит Шонтақбаев шекарашы болып жұмыс істеген.

«Әйелім видеоны көріпті, жарайсың деді. Қыздың ата-анасын көрмедім. Жұмысқа асығып бара жатқанмын, оны құтқарып, жетінші қабаттағы көршісіне тапсырдым. Сосын жұмысқа кеттім», — деп қосты ол.

Бұған дейін Нұр-Сұлтанда ер адам 8-қабаттың терезесінен құлаған қызды қағып алғаны хабарланған еді.

Халықаралық тәжірибе тоғысқан алаң

ҚазҰУ-да күзгі мектеп қорытындыланды. Әл-Фараби атындағы Қазақ ұлттық университетінде...

Кітап тілі – ортақ тіл: жасанды интеллект дәуірінде баспагерлер Алматыда тоғысты

«Жасанды интеллект дәуірі: баспа ісі, медиа және дизайн» атты...

Кітаптың шекарасы жоқ: халықаралық «Күзгі мектеп» өз жұмысын қорытындылады

Кітап – бір елдің мәдениетін екінші елге таныстыратын, тіл...

Заң үстемдігі – сыбайлас жемқорлыққа қарсы күрестің басты кепілі

Қазіргі таңда Қазақстан Республикасында заң үстемдігін қамтамасыз ету және...