Коронавирустың жаңа «ұлыбританиялық» штамы Грузияда анықталды. Алайда оны жұқтырған адам Ұлыбританияда болмағанын айтады, — деп хабарлайды «Грузия Online».
Ауруларды бақылау орталығы басшысының орынбасары Паата Имнадзе үш үлгі жаңа штамм бойынша зерттелген, екеуінің нәтижесі теріс, ал біреуінде жаңа штамм анықталған. Науқас — 50 жастан асқан адам, бүгінде оның жағдайы жақсы және оқшауланып жатыр.
Маман жаңа штамм коронавирустан аурудың өту кезеңі мен өлім деңгейі бойынша ешқандай айырмашылығы жоғын айтады.
Еске салайық, Қазақстанда коронавирусты таратпау жөніндегі ведомствоаралық комиссия Ұлыбританияда анықталған коронавирустың жаңа штамы біздің елде тіркелмегенін мәлімдеді.
