17 сәуірге қараған түні Нұр-Сұлтанда станцияның бір бөлігіндегі өткел жабылады. Бұл туралы елорда әкімдігінің ресми сайты ҚТЖ баспасөз қызметіне сілтеме жасап хабарлады, — деп хабарлайды Tengrinews.kz тілшісі.
ҚТЖ баспасөз қызметі мәліметінше, 2022 жылдың 16 сәуірінен 17 сәуіріне қараған түні Нұр-Сұлтан станциясының Малахов көшесінде ПК 7-нің 805-ші шақырымында орналасқан өткел жабылады. Нұр-Сұлтан станциясындағы өткел арқылы автокөлік құралдарына қозғалыс 16 сәуірде сағат 00:00-ден 8:00-ге дейін өткел төсемін ауыстыру және өзге де жұмыстардың жүргізілуіне байланысты жабылады.
Осыған байланысты елорда тұрғындары мен қонақтарын қаланың осы бөлігіндегі қозғалысын алдын ала жоспарлауы қажет делінген хабарламада.
