Қарағанды облысы Сәтбаев қалалық полиция бөлімінің кезекші бөліміне 47 жастағы адам хабарласқан. Жәбірленуші полиция қызметкерлеріне белгісіз біреу үйіне қоймақшы болған темір есігін ұрлап кеткені туралы арызданған, деп хабарлайды Zakon.kz.
Полицейлер анықтағандай, қылмыс болған күннен бір күн бұрын азаматша үйіне орнату үшін темір есік сатып алып, уақытша өзі тұратын көп қабатты үйдің дәлізіне қойып қойған.
Алайда оны белгісіз біреу қолды қылған. Азаматшаға келтірілген шығын көлемі 15 мың теңгені құрады.
Аталған дерек бойынша Қазақстан Республикасы Қылмыстық кодексінің 188-бабына (Ұрлық) сәйкес қылмыстық іс қозғалды.
29 наурыз күні криминалдық полиция қызметкерлерімен жүргізілген кешенді іс-шаралар барысында осы іске қатысы бар деген күдікпен 49 жастағы ер адам ұсталды.
Ұсталған азамат ұрланған темір есікті өз үйіне орнатып қойғандығы туралы мойындау көрсетпе белгілерін берді. Тергеу амалдары жүргізілуде.
