Алматы әкімдігі президент Қасым-Жомарт Тоқаевтың тапсырмасынан кейін Ерболат Досаевтың орынбасарлары азая ма деген сұраққа жауап берді, — деп хабарлайды Tengrinews.kz тілшісі.
Жергілікті биліктің мәліметінше, қазір Алматы қаласы әкімінің бес орынбасары бар. Бұл санды ел үкіметі өткен жылдың 9 желтоқсанында бекіткен болатын.
«Әкімдіктердегі мемлекеттік қызметшілер санын қысқарту мәселесі үкіметтің құзырында. Тиісті өзгерістер енгізгеннен кейін Алматы әкімдігі құрылым мен Алматы қаласы әкімдігінің орынбасарлары арасындағы қадағалауды қайта қарайды», — деп хабарлады ведомствоның баспасөз қызметі.
Қасым-Жомарт Тоқаев Жолдауында облыстар мен республикалық маңызы бар қалалардағы әкім орынбасарларының санын қысқартуды тапсырған болатын.
