Ұлттық экономика вице-министрі Тимур Жақсылықов қаңтар оқиғасынан зардап шеккен кәсіпкерлерге 8,3 миллиард теңге төленгенін айтты, — деп хабарлайды Tengrinews.kz тілшісі.
Үкімет отырысында вице-министр қаңтардағы тәртіпсіздіктерден зардап шеккен шағын және орта бизнесті қолдау мақсатында жедел шаралар қабылданғанын айтты:
- ШОБ субъектілеріне келтірілген мүліктік залалды өтеу;
- жеке және заңды тұлғаларға берілген несиелер бойынша төлемдерді кейінге қалдыру;
- салықтық және кедендік тексерулер және басқа да шаралар тоқтатылды.
«Қаңтар оқиғасы салдарынан алдын ала мәлімет бойынша, 1630 ШОБ субъектісі зардап шекті, келтірілген шығын көлемі шамамен 38,6 миллиард теңге. Бүгінде 1 491 ШОБ субъектісіне жалпы сомасы 8,3 миллиард теңгенің төлемі төленді», — деді Жақсылықов.
