ӨЗІҢНІҢ ЖӘНЕ ЖАҚЫНДАРЫҢНЫҢ ДЕНСАУЛЫҒЫН САҚТА. САҚ БОЛ!

Осылайша ұрандаған мобилдік топ бүгінде рейдтік шаралар жүргізді. Аудан әкімінің орынбасары Л.Нұрмаханова: — Біздер жұмыс барысында қаладағы халық коп шоғырланатын орындарға тексеру жұмыстарын жүргізудеміз. Атап айтсақ, қаладағы халыққа қызмет көрсететін бірнеше орындарды бақылаймыз.
Қоғамдық орындарда 3 адамнан артық жиналуға болмайды. Одан бөлек, әлеуметтік нысандарда белгіленген арақашықтықты сақтау қажеттігі ескертілуде. Рейд барысында кейбір халыққа қызмет көрсететін мекемелер тарапынан аталған талаптар сақталмауда, – дейді.
Бұдан бөлек, аудандық полиция бөлімінен шыққан жұмысшы топ мүшелері қаладағы қоғамдық көліктердегі белгіленген талаптарды тексеріп, түсіндірме жұмыстарын жүргізді.
Шара барысында қоғамдық көліктерде тұрғындардың арақашықтықты сақтау, бетперде тағу, жүргізушілерге көліктерді тұрақты түрде дизенфекциялау қажеттігі айтылды. Алдағы уақытта жұмысшы топ тарапынан тексеру шаралары тұрақты бақыланатын болады.