Бейнероликтерде Қазақстан Республикасын көші-қон режимін күшейтті деген жалған айыптаулар таратылады, сондай-ақ шындыққа еш қатысы жоқ және әдейі ұйымдастырылған ақпараттық арандатулардың бір бөлігі болып табылатын ақпараттық манипуляция тәсілдері қолданылады.
Мұндай ақпараттық шабуылдардың негізгі мақсаты – Қазақстан мен көршілес мемлекеттердің жағымсыз бейнесін жасанды түрде қалыптастыру, сондай-ақ әлеуметтік желі қолданушыларын жалған ақпаратты одан әрі таратуға тарту.
Орталық азаматтарды сыни ойлауды сақтауға, ақпарат көзі тексерілмеген эмоциялық бейнероликтерге сенбеуге және жалған әрі арандатушылық сипаттағы ақпаратты таратуға жол бермеуге шақырады.
Ашық қолжетімділікте фото-, аудио- және бейнематериалдарды жасанды интеллект көмегімен генерациялау белгілеріне бастапқы тексеруден өткізуге мүмкіндік беретін мамандандырылған сервистер де бар. Олардың ішінде ең танымалдары – Hive AI Moderation, Undetectable AI, Sensity AI компаниясының RealityGuard сервисі және т.б. Бұл платформалар цифрлық контентті синтетикалық өңдеудің ықтимал белгілеріне талдау жүргізеді.
‼️ Есіңізде болсын: кез келген фейк адамдар назар аударып, желіде таратқанға дейін ғана өмір сүреді. Жалған ақпараттың кеңінен таралуына жол бермеңіз – деректерді тексеріңіз, тек ресми ақпарат көздеріне ғана сеніңіз және күмән тудыратын контент туралы хабарлаңыз.
