Қазақ тілі — Қазақстан Республикасының Конституциясына сәйкес мемлекеттік тіл болып табылады. Мемлекеттік тіл елдің тәуелсіздігін, ұлттық бірегейлігін және қоғамдық тұтастығын айқындайтын негізгі факторлардың бірі саналады. Қазақ тілінің қолданылу аясын кеңейту – мемлекеттік саясаттың басым бағыттарының бірі. Мемлекеттік тілдің қоғам өміріндегі рөлі, ең алдымен, басқару, білім беру, құқық, мәдениет және ақпарат салаларында көрініс табады. Мемлекеттік органдарда іс қағаздарын қазақ тілінде жүргізу басқару жүйесінің ашықтығы мен тиімділігін арттыруға мүмкіндік береді.
Сонымен қатар бұл азаматтардың мемлекеттік қызметтерге тең дәрежеде қол жеткізуін қамтамасыз етеді. Қазақ тілін дамыту және қолданыс аясын кеңейту мақсатында бірқатар нормативтік-құқықтық актілер қабылданып, мемлекеттік бағдарламалар жүзеге асырылуда. Аталған шаралар мемлекеттік қызметшілердің тілдік құзыреттілігін арттыруға, ресми құжаттардың сапасын жақсартуға және қоғамда қазақ тіліне деген құрметті нығайтуға бағытталған. Білім беру жүйесінде қазақ тілінің сапалы оқытылуы болашақ ұрпақтың тілдік мәдениетін қалыптастыруда маңызды рөл атқарады.
Мемлекеттік тілді меңгерген азамат елдің қоғамдық-саяси өміріне белсенді араласып, кәсіби қызметін тиімді атқара алады. Қорытындылай келе, қазақ тілінің мемлекеттік тіл ретіндегі мәртебесін нығайту — ел дамуының стратегиялық міндеті. Мемлекеттік тілді құрметтеу, оны күнделікті өмірде және ресми ортада кеңінен қолдану әрбір азаматтың азаматтық борышы болып табылады.
Маңғыстау облысының кәмелетке толмағандардың
істері жөніндегі мамандандырылған ауданаралық
сотының бас маманы-сот отырысының хатшысы
М.Ерназарова
