Қазақстан Республикасының Тәуелсіздік күніне орай №21 мекемеде сотталғандар арасында тәрбиелік-маңызды іс-шара ұйымдастырылды. Аталған шараның басты мақсаты – патриоттық сезімді қалыптастыру, тарихи жадыны сақтау және азаматтық жауапкершілікті арттыру.
Іс-шара барысында 1986 жылғы Желтоқсан оқиғасында қаза тапқан жастардың рухына 1 минут үнсіздік жарияланды. Одан кейін Желтоқсан көтерілісіне арналған деректі фильм көрсетіліп, қатысушыларға еліміздің тәуелсіздік жолындағы күресі туралы мазмұнды ақпарат берілді. Көрсетілген фильм сотталғандар арасында ой салдырып, ел тарихына деген құрметті арттырды.
Сонымен қатар, салауатты өмір салтын насихаттау мақсатында түрлі спорттық іс-шаралар ұйымдастырылды. Спорттық жарыстарға сотталғандар белсенді қатысып, ұйымшылдық пен өзара қолдау көрсетті.
Өткізілген іс-шара сотталғандардың рухани-адамгершілік құндылықтарын нығайтуға, қоғамға бейімделуіне оң әсерін тигізді. Осындай тәрбиелік бағыттағы жұмыстар алдағы уақытта да жалғасын табады.
