Алматы қаласы Жастар саясаты басқармасы қолдауымен, «Human Resources Kazkhstan» жеке мекемесінің ұйымдастыруымен Наурызбай ауданының демалыс орталықтары тәрбиеленушілері Шарын шатқалына экскурсия жасады.
19 шілде күні Алматы қаласы Жастар саясаты басқармасының қолдауымен Наурызбай ауданының демалыс орталықтарында білім алып жатқан балалар үшін Шарын шатқалына танымдық бағыттағы экскурсия ұйымдастырылды.
Сапарға 50 бала және жетекшілері қатысып, еліміздің бірегей табиғи ескерткіші — Шарын шатқалының тарихи-географиялық ерекшеліктерімен танысты. Балалар шатқалдың әсем табиғатын тамашалап, экологиялық мәдениетке байланысты тың ақпараттар алып, белсенді серуен өткізді.
Іс-шараның мақсаты — балалар мен жасөспірімдерге табиғатты аялау, туған өлкені сүю, тарихи жерлерді тану бағытында тәрбие беру, сонымен қатар, олардың жазғы демалысын мазмұнды әрі қауіпсіз ұйымдастыру.
