Бүгінде біз өркениетті әрі озық ойлы ұлт ретінде біртұтас қоғам болып өрлеу дәуіріне қадам бастық.
Тұтас мемлекеттің тұрпаты мен халқымыздың болмыс-бітімін айқындаған қастерлі құжат – Конституциямызды қабылдадық. Берекелі бірлігіміздің арқасында ауқымды реформаларды сапалы жүзеге асырдық. Соның нәтижесінде мемлекеттің басқару жүйесі толықтай жаңғырды. Атап айтқанда: бір палаталы заң шығарушы орган – Құрылтай өз жұмысын бастады. Еліміздің ең жоғары консультативтік мекемесі – Қазақстан Халық Кеңесі құрылды. Алайда, ең маңызды мәселе – Конституциямызға сәйкес азаматтарымыздың заңды құқықтары мен бостандықтары мызғымас сипатқа ие болды, егемендігіміз бен тәуелсіздігімізді және жеріміздің тұтастығын қорғау қастерлі міндет деп танылды. Қазақстан бүкіл әлемге зайырлы, демократиялық мемлекет ретінде мойындалды.
