Сот отырысы Жетісу облысының қылмыстық істер жөніндегі мамандандырылған ауданаралық сотының ғимаратында өтті. Айыпталушылар орындығында тоғыз адам отырды, олардың бірі кәмелетке толмаған.
Абзал Шынасылға 23 жылға бас бостандығынан айыру жазасы тағайындалды.
Сот мынадай үкім шығарды:
- Азамат Тоқтаубаев — 15 жылға бас бостандығынан айыру;
- Нұрқияс Ілиясов — 9 жылға бас бостандығынан айыру;
- Шыңғыс Белғожаев — 7 жылға бас бостандығынан айыру;
- Нұрбол Тоқтаубаев — 7 жылға бас бостандығынан айыру;
- Дархан Әскентай — 7 жылға бас бостандығынан айыру;
- Дидар Қалиахмет — 7 жылға бас бостандығынан айыру;
- Думан Ысқақ — 1 жыл 6 айға бас бостандығынан айыру жазасына кесілді.
Шерзат ісі бойынша сот отырысы
2025 жылы 10 cәуірде Талдықорғанда Шерзат Болаттың ісі бойынша сот процесі басталды. Шерзат Болаттың өліміне қатысты іс бойынша сот отырысы тікелей эфирден көрсетіледі.
Бұған дейінгі сот отырыстарында жәбірленуші тарап өкілдері, яғни марқұмның әжесі, ата-анасы, одан бөлек куәгерлер сөйледі.
