Ұлы Отан соғысындағы Жеңіс күнінің 80 жылдығына орай, Абай облысы бойынша ҚАЖД №20 мекемесінің жеке құрам қызметкерлері Абай атындағы кітапханада ұйымдастырылған «Қаһарлы жылдар баспа беттерінде» атты тақырыпта кітап көрмесіне қатысты. Қызметкерлер көрмеде Ұлы Отан соғысы жайлы тарихи кітаптармен танысты, соғыс жайлы дәрісін тыңдап, басылым беттерінде жарияланған жауынгерлердің ерліктері, халықтың еңбегі мен жетістіктері, күнделікті тұрмыс-тіршіліктері, «Жауынгер хаттарымен» танысты.
-«Жеңіс күні бәріміз үшін айрықша қымбат, қастерлі мереке. Бұл мереке әр кезде де батылдық пен ерліктің, қаһармандықтың символы, Отанға деген сүйіспеншілік пен адалдықтың өлшемі болып келеді.
Бүгінгідей бейбіт, тыныш өміріміз үшін жанын құрбан еткен жандарға алғыс айту — саналы ұрпақтың қасиетті борышы. Ел алдындағы қасиетті борышын өтеп, еліміздің амандығын, жеріміздің тұтастығын қорғап қалған ерлерге мәңгі тағзым етеміз.
Көк аспанмен түстес Туымыз әрдайым биікте желбіреп, бейбіт өміріміздегі Жеңіс күнінің мәртебесі қашанда биік болсын! деп,- бөлісті #20 мекеме бастығы Жеңісбек Дауренбеков.
