Сот жүйесінде іс қағаздарын мемлекеттік тілде жүргізу туралы заңнама талабы біз еңбек ететін Алакөл аудандық №2 сотында толық орындалуда. Таза қазақ тілінде сөйлеп, жазуға қалыптасқанбыз.Сотқа талап арыз мемлекеттік тілде түссе іс қағаздары толығымен қазақ тілінде жүргізіледі. Тілді шұбарлауға жол берілмейді.
Қазақ тілін жетік меңгергенімнің пайдасын өмірде ғана емес қызмет бабында көріп жүрмін. Келіп түсетін арыздармен бірге тігілген қосымша материалдармен танысып отырып, сөйлем құрау, сөз, әріп қатесін айқын көремін.Бұл дегеніміз, жұмыс бабында пайдасын тигізетін құндылық. Көп жағдайда олқылыққа жол бермеу үшін мемлекеттік тілді жақсы меңгерген дұрыс.Рас біз тұрып, еңбек ететін Алакөл ауданында орыс ұлты баршылық. Олар да қазақ тілін толық түсініп, еркін сөйлейді.Қандай да себеппен сотқа арыз түсіргенде ресми тілде, кейде аралас тілде жазып жатады. Біз оған түсіністікпен қарап, граматикалық қателерін, түзеттіріп, мағынасын бұзбай арыздарын қабылдайтын кездеріміз болады. Мұны мемлекеттік тілге көрсетілген құрмет ретінде санап, тұрғындар алғыстарын айтып жатады. Тұтастай алғанда, аудан тұрғындары конституциялық құқықтары бұзылмай, қорғалуда.Күнделікті өмірдегі қарым-қатынаста қазақ тілінде таза сөйлеуді біз сот жүйесі мамандары дұрыс жолға қоя білдік. Ауыз екі тілдегі тазалық іс қағаздарын толтырғанда жақсы пайдасын тигізеді. Нәтижесінде тіл шұбарланбайды. Граматикалық қате де жіберілмейді.Қызметтестерімнің мерзімдік басылымдарға жіберетін материалдарын оқып отырып осындай ой түйдім.Сондықтан әркім өз міндетін мінсіз атқаратындығы сол жазбаларынан да анық көрініп тұрады.
Қорыта айтқанда, «Бұлақ басынан тұнады» деп қазақ бекер айтпаған.Сот жүйесіндегі іс қағаздарын толтырудың өзіндік ерекшеліктері біздің ұжымда дұрыс жолға қойылған. Реттілік, талапшылдық берік орын алған жерде сауаттылық та сақталатыны анық.
Қарлығаш Саидуллина,
Алакөл ауданының № 2 аудандықсотының жетекші маманы