Жетісу облыстық прокуратура бастамасы бойынша, Алматы облысы және Жетісу облысы бойынша ҚАЖ Департаментіне қарасты Талдықорған қалалық пробация қызметінің ұйымдастыруымен жұмыс кездесуі өткізілді.
Іс-шараның басты мақсаты — оқшаулауға байланысты емес жазаларға сотталған адамдардың жұмыспен қамту мәселесін қарастыру.
Кездесуге Талдықорған қалалық прокуратурасының бөлім бастығы Рустем Смагулов, аға прокурор Мекежан Даулетияр, Талдықорған қалалық жергілікті полиция қызметі бастығы Жеңіс Маликбазаров, жұмыспен қамту бөлімінің қызметкерлері, пробация бөлімінің жеке құрамы және аймақтық еңбекке орналастыруға жәрдем көрсету қорының мүшелері қатысты.
Кездесу нәтижесінде, пробация есебінде тұрған 26 сотталғанға жолдама беріліп, жұмыспен қамтамасыз етілді.
