Қызылорда облысы бойынша Қылмыстық-атқару жүйесі департаменті №60 мекемесінің психологтары сотталғандар арасында «Мен өмірді таңдаймын» тақырыбында семинар тренинг өтті. Тренинг барысында жазасын өтеуші азаматтармен ашық сұхбаттасып, әр қатысушы азамат өз ойын ашық айтты.
Психологиялық қолдау тренингінің мақсаты: жазасын өтеушілерге дер кезінде психологиялық денсаулығына көмек беру, бір-біріне, қоғамға, жақындарына деген сенімділік, психологиялық қолдау көрсету, адамгершілік қатынастары мен өзара түсіністік дағдыларын қалыптастыру болып табылады, — деді мекеме психологы Айбек Орынбаев.
Сонымен қатар «Мен және өмір», «Бақыт деңгейі» психологиялық тренинг жаттығулары ұйымдастырылды. Нәтижесінде психологиялық көмек көрсетіліп, өз-өзіне қол жұмсаудың теріс әрекет екендігіне көздері жетіп, ұйымдастырылған тренинг жаттығуына белсене қатысты. Қорытындылау барысында сотталған азаматтар алған әсерлерімен бөлісті.
Адина Жомартқызы
Қызылорда облысы бойынша ҚАЖД №60 мекемесі