Тайынша аудандық сотында пробация қызметі бөлімінің есебінде тұрған сотталған адамды шартты түрде мерзімінен бұрын босату мәселесі бойынша сот отырысы өтті.
Жазаны өтеу кезеңінде сотталған өзін оң жағынан көрсетті, жазаны өтеудің шарттары мен тәртібін сақтады, сондай-ақ мәдени-бұқаралық іс-шараларға белсенді қатысып түзету жолына нық тұрды.
2023 жылдың басынан бастап МББ бойынша 9 сотталған босатылды. Айта кету керек, шартты түрде мерзімінен бұрын босату есепте тұрған сотталғандарды құқықтық өмір салтына және жазаны өтеу тәртібін сақтауға ынталандырады.
«Шартты түрде мерзімінен бұрын босату арқасында сотталғандарда одан әрі оң өзгерістер жасауға және қоғамға еліміздің толыққанды азаматы болып оралуға деген үміт пен ұмтылыс пайда болады», — деп атап өтті ПҚБ инспекторы Ақмарал Ахмедьярова.
