spot_img
spot_img

Клиникада алғашқы рет әлеуметтік жоба ұйымдастырылды

Алматы аймақтық көпсалалы клиникада «Ауруды емес, өмірді таңдаңыз, бірге күресейік» атты әлеуметтік жоба аясында іс-шара өтті. Клиника мамандары мен 10–сынып оқушылары Үсен Жұлдыз бен Үсен Алтынайдың ұйымдастырумен өткен шарада клиникадағы науқастар шахмат ойнап, бір-бірімен ашық-жарқын әңгімелесіп, ішкі сырларымен бөлісті.
-Жобаның мақсаты — аурудың әртүрлі кезеңдерінде көптеген қиындықтарға тап болған науқастарға қолдау көрсету. Өздерін жалғыз сезініп жүрген науқастарға одан шығудың жолын тауып, көмек көрсету. Яғни, басқа қалыпқа түскен өмір өзгерісін қабылдап, сонымен жаңаша өмір сүруге үйрету. Сонымен қатар психологтың көмегіне жүгіну өте маңызды қадам екенін түсіндіру, — дейді онкопсихолог, психиатр, жоғарғы санатты дәрігер Константин Владимирович Артьемев.
Шараға қатысқан Алматы қаласындағы Мухтар Әуезов атындағы мектептің 10–сынып оқушылары Үсен Жұлдыз, Үсен Алтынай науқастармен әртүрлі тақырыпта әңгіме айтып, науқастарға қол өнер туындыларын, шахмат пен сурет құралдарын тарту етті.
-Психологтың айтуынша, науқас адам ойын басқа нәрсеге аударса, ауруын ұмытып, өзін жеңіл сезінеді. Сол себепті сурет салуға қажетті құралдарды сыйға тарттық. Мұндай әлеуметтік маңызы бар жобалар науқастарға көп көмектеседі деп ойлаймыз. Сондықтан келесі жобаны ауқымды түрде ұйымдастыру туралы ұсыныс жасадық, — деді жобаға қатысқан Жұлдыз бен Алтынай.
Дәрігерлердің айтуынша, қатерлі ісікке шалдыққан науқастармен тек физикалық тұрғыда емес, психологиялық тұрғыда ем қатар жүргізілгені дұрыс. Сонда ауруға қарсы күрес қарқынды жүреді. Көп жағдайда науқастар депрессияға түсіп, жақын адамдарымен жиі ренжіседі. Осындай сәтте туысқандардың қолдауы ауадай қажет дейді қатерлі дертке шалдыққан адамдардың бірі Шапиева Анар Смағұлқызы.
-Мен осы дертке шалдыққан кезде менің туысқандарым, достарым үлкен қолдау көрсетті. Мен үшін ол өте маңызды болды Сондықтан ауруға қарсы күресті тоқтатқан жоқпын. Қазір барлық қиын күндер артта қалды. Мен қазір нағыз бақытты жандардың бірімін, — деп еске алды ол.
Алматы аймақтық көпсалалы клиникада 2022 жылдың 9 айында 1549 адамнан қатерлі дерт анықталып, тіркеуге алынған.

Маңғыстауда «Пробациялық бақылау» ЖПШ өтуде

Маңғыстау облысы бойынша ҚАЖ департаментінің пробация қызметкерлері 26-28 қаңтар...

Орал қаласы бойынша пробация қызметінің инспектор-психологы іс-шара өткізді

2023 жылдың 26 ​​қаңтарында Орал қаласы бойынша пробация қызметінің...

Қазақстанда шетелдіктерге арналған «визаран» ресми түрде жойылды

27 қаңтарда Қазақстанда иммигранттардың келу және болу, кетуіне жауап...

6505 әскери бөлімінің 9 жеке атқыштар ротасын жас толықтыруға жауангерлік қару табысталды

ЖЖ-6505 жеке атқыштар ротасының 9 саптық шеру жас толықтартыруларға...