spot_img
spot_img

Маңғыстауда ереуілге шыққан жедел жәрдем қызметкерлері жұмыссыз қалды

Маңғыстау облысында жедел жәрдемнің ондаған қызметкері жұмыссыз қалды. Жаппай жұмыстан шығару  фельдшерлер мен жүргізушілердің ереуілінен кейін басталған, — деп хабарлайды Tengrinews.kz тілшісі «КТК» телеарнасына сілтеме жасап.

Денсаулық сақтау басқармасы мәліметінше, жұмыстан кеткен қызметкерлердің орнына адам табылып қойған. Бір аптадан аса уақытқа созылған митингілерді сот заңсыз деп таныды.

Жұмысқа шыққысы келмегені үшін Жаңаөзен қаласында 11 адам, Мұнайлы ауданында тағы сегіз адам жұмыстан шығарылған.

Тағы 25 фельдшер мен 13 жүргізуші өз еркімен өтініш жазған. Оларға ойланып, ойын өзгертуге уақыт берілді. Бірақ дәрігерлер жұмысқа оралмаған. Нәтижесінде көбінің орнына адам табылғаны айтылды.

Жаңаөзен қаласында қазірдің өзінде 15 жүргізуші мен тоғыз фельдшер жұмысқа қабылданған. Мұнайлы ауданында – алты жүргізуші мен фельдшер. Денсаулық сақтау басқармасы өңірде жедел жәрдем көліктерінің жұмысы жолға қойылғанын айтады. Жергілікті бюджеттен жалақыға қосымша 236 миллион теңге бөлінген. Жыл аяғына дейін жүргізушілерге 90 мың теңге, фельдшерлік қызметке 40 мың, медбикелерге 30 мың теңге қосымша жәрдемақы төлеуге уәде беріп отыр.

Түркістан облысында «Есірткісіз болашақ» айлығының ашылуы өтті

1987 жылы Біріккен Ұлттар ұйымының кезекті ассамблеясында 26 маусым...

ҚР ІІМ ҚАЖ төрағасының орынбасары №15 мекемесін аралады

ҚР ІІМ ҚАЖ төрағасының орынбасары әділет полковнигі Д.Тайжанов кеше...

Қайрымдылық жасау адамгершілік белгісі

Пробация қызметінің құрылғанына да көп уақыт бола қойған жоқ....

Сотталған азаматтар қалалық мәдениет үйіндегі өнер фестивалін тамашалады

Бүгін А.Тоқмағамбетов атындағы қалалық мәдениет үйінде жастардың заманауи өнер...