Қызылорда облысы бойынша ҚАЖ департаментінің қызметкерлері жаңа жыл мерекесі қарсаңында Қызылорда арнаулы әлеуметтік қызметтер көрсету орталығына барып,ерекше балаларды қуанышқа бөлеп қайтты. Яғни, осында ем -дом қабылдайтын 56 балаға тосын сый жасады.Әрбір балаға тәттілер таратып, қамкөңіл балақайлардың көңілін аулап,жаңа жылдарымен құттықтады.
«ҚАЖ қызметкерлері мереке сайын балаларға қуаныш сыйлауды игі дәстүрге айналдырған.Бүгін де сол дәстүрді жалғастырып,балаларды қуантуға кеп отырмыз. Балалар аман болсын, денсаулығы мықты болсын.Балалардың жолы ашық болсын «- деп ҚАЖ департаментінің арнайы есепке алу тобының бас маманы Шырын Қалиқызы жылы лебізін білдірді.
Сондай-ақ оңалту орталығының директоры М. Абдукаримов балаларды елеп-ескеріп келген ҚАЖ қызметкерлеріне ризашылығын жеткізіп, қызметтеріне абырой тіледі.
