Қызылорда маңында санитарлық авиация тікұшағы құлады, — деп хабарлайды Tengrinews.kz тілшісі.
Оқиға бүгін, 23 ақпанда сағат 12.10-да Қызылорда облысы Арал ауданы маңында болған.
ТЖ департаментінің Өрт сөндіру және авариялық-құтқару жұмыстары қызметінің баспасөз қызметі мәліметінше, санавиация рейсін орындаған АН-2 тікұшағы құлаған.
«Тікұшақ бортында екі экипаж мүшесі, бір дәрігер болды. Барлық адам тірі. Зардап шеккендер жоқ», — деді ведомствоның баспасөз қызметі өкілдері.
Өрт сөндірушілер мәліметінше, тікұшақ аудан орталығынан 10 шақырым жерде Алтын құдық деген жерге құлаған. Тікұшақ толық жанып кетті.
«Басқа ақпарат жоқ. Себебі бұл жерде байланыс жоқ», — деп толықтырды ТЖД өкілдері.