Халқымыздың қолөнері – көркемдік мән-мағынасы бар өткен тарихымыздан сыр шертетін асыл қазынамыздың бірі.
Жуырда Арал аудандық мәдениет үйінің ұйымдастыруымен пробация есебіндегі азаматтардың қатысуымен «Шебердің қолы ортақ» атты қолөнер бұйымдарының сайысы өтті. Қатысушылар видео арқылы өздерінің жасаған қолөнер бұйымдарын көрсетіп,олардың жасалу жолдарын таныстырды.
Сайыстың мақсаты шеберлердің қолынан шыққан ұлттық бұйымдарды халыққа таныстырып, кеңінен насихаттап, өскелең ұрпаққа ұлтымыздың қасиетті құндылықтарын сақтауға шақыру.
«Қолөнер шеберлікті, шыдамдылықты талантты қажет етеді.Бастаған мүсініңді аяғына дейін жеткізу үшін шыдамдылық керек. Онымен қоса, қабілетің, ынтаң болу керек. Мен қолөнердің қыр –сырын ұзақ уақыт ем алып, ауруханада жатқанымда қасымдағы азаматтардан үйрендім. Қолөнермен бос уақытымда ғана айналысамын. Тұрақты жұмысым бар. Ағаштан қобдиша, домбыра, желкенді кеме жасаймын. Туған — туыс, дос-жарандарыма сыйға да тартамын.Қолөнер менің хоббиім десем болады» дейді сотталған азамат.
Сайыс қорытындысымен аудандық мәдениет үйі жеңімпаздарды анықтап, марапаттады.
Арал аудандық пробация қызметі
