“Көзіңді аш, оян қазақ, көтер басты,
Өткізбей қараңғыда бекер жасты.
Жер кетті, дін нашарлап, хал арам боп,
Қарағым, енді жату жарамас-ты”
Адамзат тарихында қилы-қиямет оқиғалармен, дүбірлі даму үрдісімен ерекше орын алған ХХ ғасырдың басы қашаннан еңбегі еш, тұзы сор қазақ халқы үшін де сындарлы кезең болғаны белгілі. Осындай талма тұста, шешуші сәтте ұлт үшін қызмет көрсетудің үздік үлгісін көрсеткен алтын айдарлы арыстарымыздың қатарында Міржақып Дулатовтың есімі бұл күнде зор ілтипатқа ие. Сондай аумалы-төкпелі, аласапыран кезеңде халқының жоғын жоқтап, мұңын мұңдап, аузы алты қарыс патша өкіметіне қарсы бас көтерген қазақ азаматтарының іс-әрекеттерін, ұлт азаттығы үшін күрескендерін дәріптеу мақсатында, Атырау облысы бойынша ДІБ басшысы Қ.Мусаев, “Шапағат” ҚҚ өкілдері Р.Қалмазұлы, Н.Данаеваның қатысуымен Атырау облысы бойынша ҚАЖД #79 мекемесінде “Оян, қазақ” кинотерапиясы өткізілді.
