Бүгін Қызылорда облысының қоғамдық даму басқармасы «Қызылорда облысының тілдерді оқыту орталығы» КММ-нің оқу-әдістемелік бөлімінің басшысы Гүлбану Сембиева Қызылорда облысы бойынша ҚАЖ департаментінің №37 мекемесінің қызметкерлерімен кездесті.
Кездесудегі басты мақсат- мемлекеттік қызметкерлерге мемлекеттік тіл, орыс тілі және ағылшын тілдері бойынша оқыту курстары туралы ақпарат беру.
Кездесу барысында бөлім басшысы оқыту орталығындағы білікті мамандар мемлекеттік тілді біркелкі қолдану және тіл мәдениетін арттыру мақсатында қазақ тілінің функционалдық қызметінен бастап, оның салалары, жаңа терминдер, іс-қағаздар жүргізу стилі, ресми құжаттарды дайындау туралы білім беретінін және оқыту курстары мемлекеттік бағдарлама аясында мемлекеттік қызметкерлерге тегін жүргізілетіндігін түсіндіріп, сондай-ақ курсты толық аяқтаған қызметкерлерге сертификаттар табысталатындығын атап өтті.
Түсіндірме нәтижесінде қызметкерлер оқыту курстарына жазылуға ниет білдірді.
Дана Достанова
Қызылорда облысы бойынша ҚАЖД
