spot_img
spot_img

Белгілі теолог Ризабек Батталұлы оқшауланған аймақтағы сотталғандармен кездесті

Республикаға танымал белгілі теолог, исламтанушы-ғалым, Нұр-Мүбарак Еипет ислам мәдениеті университетінің ғылыми қызметкері Ризабек Батталұлы Қызылорда облысы бойынша қылмыстық-атқару қызметі саласына қарасты № 68 мемлекеттік мекемесінде болып қайтты.

Республикалық ақпараттық насихат тобының мүшесі, бұл жұмыс барысында мекеменің оқшауланған аймағындағы экстремизм терроризм баптары бойынша, сотталған азаматтарымен кездесті.

Кездесу барысында алдымен, топтық дәріс өткізді. Дәріс кезінде жазасын өтеушілерге Құран аяттарының тәфсірі, иман негіздері ақида, хадис ілімі туралы кеңінен мағлұмат берді.

Содан соң, оларды жеке-жеке қабылдап, теріс діни көзқарастағы адасқан жандардың дінге қатысты ой-пікірін тыңдап, қойған сұрақтарына жауап берді.
ҚР ҚК – тің 256 бабының 2- тармағымен 7 жыл 8 айға бас бостандығынан айрылған Д. есімді жігіт, « намаз оқымайтын адамдар кәпірлер ме? деген сұрағын қойды. Ислам танушы ғалым сотталғанға, күпірлікпен айыптап, тіпті ата-анасы мен өзінің туғандарын намаз оқымағаны үшін жат көріп кетудің дұрыс емес екендігін әртүрлі мысалдар келтіре отырып, түсіндірді.

Яғни, айналамыздағы намаз оқымағандарды жаппай кәпірге шығаруға болмайды. Бұлай санау аса қауіпті. Алла Елшісі: «Кімде-кім бауырына: «Ей, Кәпір!», – десе, ал ол адам шынымен кәпір болмаса, онда айтқан адамның өзі кәпір болады», – дегенді айта отырып, Нұр-Мүбарак баспасынан шыққан «Намаз оқымайтын адам – КӘПІР» дейтіндерге жауап» деген кітап мазмұны негізінде тақырыпқа қатысты әһлу сунна ғылымдарының ұстанымын басқа көзқарастармен салыстырыла отырып, теологиялық, діни-құқықтық тұрғыда жан-жақты талдап берді.

Кездесу соңында соталғандар жоғарғы діни ордадан келген,білікті маманмен өткізілген, кездесуден алған жағымды әсерін былайша жеткізді: Бүгін мен бостандықта жүргенде тек әлеуметтік желіден, теледидардан көріп, уағыздарын тыңдаған жанмен кездестім.

Ойымдағы күмәнді сұрақтарыма тұщымды жауап алдым. Діндегі көзқарасым мен пікірімнің,ұстанған бағытымның дұрыс емес екендігін түсіндім.

Келген қонаққа және осы кездесуді ұйымдастырған мекеме теологтарына алғысымды білдіремін- деді, Ө. есімді 19 жастағы ең жас жазасын өтеуші азамат.

Жолаушыны ұрып, телефонын тартып алған таксистке жаза тағайындалды

Қармақшы аудандық пробация есебінде тұрған азаматқа ҚР ҚК-нің 191-...

Солтүстік Қазақстан облысында сотталғандарға 500-ден астам кітап сыйға тартылды

Кітап-барлық халықтардың байлығын сақтайтын әлемдегі ең үлкен қазына. Бірақ...

В Северо-Казахстанской области осужденным подарили более 500 книг

Книга - это самая большая в мире сокровищница, хранящая...