Кентау қалалық полиция басқармасына бірнеше жергілікті тұрғын арызданған. Жәбірленушінің айтуынша көше бойында орналасқан дүкенінің ішіне белгісіз тұлғалар сыртқы есігін сындыру арқылы жасырын кіріп, спорттық киімдер мен балалар аяқ киімін ұрлап кеткен. Келтірілген шығын 370 000 теңгеге жуық.
Келесі тұрғын болса өз арызында түнгі уақытта белгісіз біреулердің дүкеніне кіріп, кассада тұрған 400 000 теңге ақшасын жымқырып кеткенін жазды.
Үшінші тұрғын да осындай қылмыстың құрбаны болған. Бұл жолы ұры оның гаражына кіріп, автобөлшектерін ұрлап кеткен.
Полицейлер орын алған ұрлық қылмыстарын ашу мақсатында жедел-тергеу тобын құрды. Шұғыл әрекетке көшкен тәжірибелі тәртіп сақшылары қажетті шараларды іске асырды. Қылмысты ашып, күдіктіні ұстау мақсатында жедел-іздестіру шараларын жүргізді. Жинақталған ақпарат көздері нәтижесінде күдіктінің жеке-басы анықталып, тұрғын-үйінен ұсталды. Оның бұрын сотты болғаны анықталды.
Содан сақшылар тексеру барысында күдіктінің жалпы 10 ұрлық жайтына қатысы барын айқындады. Ұрлаған бөтеннің мүліктерін сатып, ақшасын өз қажеттілігіне жаратқан болып шықты. Күдікті қамауға алынып, ҚР ҚК-нің 188-бабы «Ұрлық» бойынша сотқа дейінгі тергеу амалдары жүргізілуде.
Түркістан облысы ПД баспасөз қызметі
12 маусым - Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: [email protected].
© Меншік иесі: "ЗАҢ" Медиа-корпорациясы" ЖШС
