Қазіргі таңда «Сыбайлас жемқорлыққа қарсы іс-қимыл туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Сол себептен кез келген ортада пара беру мен пара алудың жолын кесуде қоғам болып белсенділік танытуымыз қажет.
Сыбайлас жемқорлық — заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі десек болады.
Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады. Қазақстан Республикасының «Сыбайлас жемқорлыққа қарсы күрес туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс.
Барлық саладағы мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Сонымен қатар, кейбір мемлекеттік орган басшыларының сыбайлас жемқорлыққа қарсы заң талаптарын атқаруда ынта танытпай, бақылау жүргізбеуі де жемқорлықтың тамырын тереңдете түседі десек те қателеспейміз.
Сыбайлас жемқорлық бүгінде әлемнің барлық дерлік елдерінде, оның ішінде, өкінішке орай, Қазақстанда да өте жиі кездесетін құбылыс.
Құпия емес, қазіргі таңда көптеген лауазымды азаматтардың да, мемлекеттік қызметшілердің де парамен ұсталу фактілері жиі орын алуда. Бұл өз кезегінде барлық сала үшін теріс әсерін туғызатыны мәлім.
Жалпы, сыбайлас жемқорлықпен күресу барлық Қазақстан Республикасы азаматтарының азаматтық борышы деп білу керек.
Сыбайлас жемқорлыққа қарсы тұрарлық мәдениетті және тәлімді қалыптастырудың нәтижесі мынадай болмақ:
— Сыбайлас жемқорлықтың қоғам мен мемлекетке төнетін қатер екенін азаматтардың сезінуі;
— Жемқорларға деген теріс көзқарас қалыптастыру және жемқорлыққа жақындықты аластату.
Міне, осы бағытты негізге алып, әрбір адамның жемқорлыққа қарсы күресуге шақыруымыз қажет. Яғни, әрбір мемлекеттік қызметші өзін осы жағдайға бейімдеп,заң талаптарын, соның ішінде еңбек тәртібін қатаң сақтау қажет деген ойдамын.
Жамбыл облысы кәмелетке толмағандардың істері жөніндегі мамандандырылған ауданаралық сотының бас маман сот приставы Расылхан Бейсеев.
