Қазақстан Республикасының Тәуелсіздігі күніне орай Қызылорда облысы бойынша ҚАЖ департаментінің 37 мекемесінде сотталғандар арасында іс-шара өтті. Шараны «Жігер» мүгедектер қоғамдық қоры ұйымдастырды. Іс шара желтоқсан оқиғасының құрбандарын бір минут үнсіздікпен еске алумен басталды.
Одан соң тәрбие бөлімінің бастығы әділет майоры А.Уайдаев ашып, Тәуелсіздік күні мерекесінің маңыздылығын атап өтіп, ата -бабаларымыз азаттық жолында ерлік күресін, талай зұлмат замандар мен нәубетті бастан өткергенін айтып өтті. Шара одан әрі жазасын өтеушілердің қатысуымен дайындаған желтоқсан оқиғасы туралы қойылым көрсетіп,шараның мәнін барынша түсіндіруге тырысты.
Сахналық қойылымнан соң спорттық шарада бақтарын сынаған сотталғандар өздерін жақсы қырынан көрсетіп, жеңімпаз атанып, ұйымдастырушылар тарапынан грамота мен марапатталып, естелік сыйлықтар тарту етілді.
Қызылорда облысы бойынша ҚАЖ департаменті
