Мемлекеттік қызметші өзінің барлық күш-жігерін, білімі мен тәжірибесін өзі жүзеге асыратын кәсіби қызметіне жұмсайды, өзінің Отаны – Қазақстан Республикасына адал қызмет етеді.
Мемлекеттік қызметшілер Қазақстан Республикасының Конституциясын және заңнамасын сақтауға, қызметтік тәртіпті сақтауға міндетті.
Мемлекеттік қызметшілердің қызметтік әдебі адал ниеттілік, адалдық, әділдік, ашықтық, сыпайылық қағидаттарына негізделеді.
Мемлекеттік қызметшінің қызметтік міндеттерді орындау кезіндегі сырт келбеті мемлекеттік аппараттың беделін нығайтуға ықпал етуге, ресмилікпен, ұстамдылықпен және ұқыптылықпен ерекшеленетін жалпыға бірдей қабылданған іскерлік стиліне сай болуға тиіс.
Мемлекеттік қызметшілер қызметтен тыс уақытта жалпыға бірдей қабылданған моральдық-әдептілік нормаларын ұстануға, кішіпейілділік танытуға, тиісті көрсетілетін қызметтерді алу кезінде өзінің лауазымдық жағдайын баса көрсетпеуге және пайдаланбауға және қоғамдық имандылыққа қолсұғумен ұштасқан қоғамға қарсы мінез-құлық жағдайларына жол бермеуге тиіс.
Мемлекеттік қызметшілер қарапайым болуға, жалпыға бірдей қабылданған моральдық-әдептік нормаларды сақтауға міндетті.
Сот жүйесінде мемлекеттік қызметшілер әріптестерімен сыпайы қарым-қатынаста болуға, сонымен қатар сотқа келген азаматтарға әдептілік танытуға, әдепсіздік және бейәдеп мінез-құлқымен олардың тарапынан сынға себепкер болмауға міндетті.
Ақтау қалалық соты
әкімшісінің бас маманы-
сот мәжілісінің хатшысы
Н.Турсынбаева
