Семей колонияларының бірінде сотталғандардың туыстары үшін ашық есік күні өткізілді

Семей қаласында орналасқан колониялардың бірінде сотталғандардың туыстары үшін Ашық есік күні ұйымдастырылды. Аталмыш іс-шараға еліміздің әр облысыннан сотталғандардың туыстары келді. Олар мекеме аумағын, сотталғандардың тұрғын үй-жайларын, асхананы аралады. Іс-шара соңында сотталғандар туыстарымен мекеме кітапханасында жеке әңгімелесіп, базарлықтарымен бөлісуге мүмкіндік алды.
Колониялардағы Ашық есік күнінің басты мақсаты сотталғандардың туыстары мен мекеме әкімшілігі арасында сенімді қарым-қатынас орнату, пенитенциарлық процеске «ашықтық» қағидатын енгізу, сотталғандардың тәрбие процесін ұйымдастыруға және олардың орындалуына қоғамдық бақылауға туыстарының қатысу міндеттерін анықтау болып табылады. Сонымен қатар, осы іс-шаралар арқылы жұртшылық мекеменің өмірімен, колонияның ішкі регламентімен, жазаны өтеу жағдайларымен, еңбекпен, шығармашылық және спорттық өмірмен танысуға мүмкіндік алды, — дейді тәрбие бөлім бастығы Асхат Керимханов