Адам – табиғаттың төл перзенті. Халқымыз көктем келісімен ауласын тазалап, үйінің айналасына гүл, жасыл желектер егіп, су ағатын арығы, каналдардың көзін ашқан.
Мемлекет басшысының тапсырмасымен республика бойынша «Таза Қазақстан» экологиялық акциясы бес аптаға созылады. Әр аптаның өзіндік тақырыбы мен нақты мақсаты бар. Осындай акция аясында Келес аудандыұ пробация қызметінің қызметкерлері аудандық Пробация үйіне және оның айналасын қоқыстан тазартып, арық-атыздарды тазалап, талдардың түбін әктеп, жеміс және сәндік талдар отырғызды.
«Таза өлке». Бірінші аптада елді мекендердің тұрғындары, қоғам қайраткерлері, ұйымдардың қызметкерлері өз аумағындағы аулаларды тазалайды. «Киелі мекен». Екінші апта тарихи-мәдени ескерткіштердің аумағын абаттандыруға арналады. «Жасыл аймақ». Үшінші аптада көшет отырғызу, ағаштарды әктеу жұмыстары жүргізіледі. «Өнегелі ұрпақ». Акцияның төртінші аптасында ардагерлердің аулалары мен қарттар үйінің аумағын тазалау, абаттандыру көзделеді. «Мөлдір бұлақ». Акцияның қорытынды, бесінші аптасында өзендер мен көлдер қоқыстан тазартылады. Біздің пробация қызметінің қызметкерлері де аталған акция аясында әр апта сайын сенбілікке шығып, қзіміздің ауданымызға тазалық жұмыстарын жүргізудеміз. Сонымен қатар, «Мөлдір бұлақ» акциясы аясында пробациялық бақылауда тұрған азаматтарды да алып шығамыз деп жоспарлап отырмыз. Себебі, оларды қоғамға бейімдеу мақсатында жылда осындай қоршаған ортаны қоқыстан тазартамыз, — деді Келес аудандық пробация қызметінің бастығы Нұрдәулет Әшірбаев.
