Әкімшілік құқық бұзушылық туралы Кодекске Адам саудасына қарсы іс-қимыл мәселелері бойынша өзгерістер мен толықтырулар жобасына жетім балаларға арналған медициналық мекемелер мен ұйымдардың лауазымды тұлғаларына жаңа туған нәрестені тастап кету фактісі туралы хабарламағаны үшін жауапкершілікті енгізу ұсынылды, деп хабарлайды Stan.kz ақпарат агенттігі.
Тұжырымдаманы Қазақстан Ішкі істер министрлігі әзірлеген.
«Медициналық ұйымдар мен жетім балалар мен ата-анасының қамқорлығынсыз қалған балаларға арналған ұйымдардың лауазымды тұлғаларының жаңа туған нәрестені тастап кету, жетім балаларды және ата-анасының қамқорлығынсыз қалған балаларды қабылдау және жеткізу фактісін хабарламағаны үшін – жеке тұлғаларға бес айлық есептiк көрсеткiшке дейінгі мөлшерде айыппұл, ал лауазымды тұлғаларға – он айлық есептiк көрсеткiш мөлшерiнде айыппұл салынады, — деп көрсетiлген құжатта.
Тәжірибе көрсеткендей, еліміздің әр өңірде перзентханаларда бала сату фактілері анықталғанын атап өтті құзырлы орган.
«Заңның қабылдануы адам саудасына, оның ішінде балаларды сатуға қарсы іс-қимылдың тиімділігін арттыруға, адам саудасының алдын алуды және олардың құрбандарын анықтауды реттейтін халықаралық стандарттарға сәйкес ұлттық заңнама мен құқық қорғау тәжірибесін жетілдіруге құқықтық негіз жасайды», — делінген құжатта.
