Назарларыңызға eGov порталында жүргізуші куәлігін ауыстыру барысында өтінімді беру мен дайын куәлікті алу жолын толық сипаттаймыз.
Сіз eGov порталы арқылы өтінім бергенде, ол тиісті органның қарауына түспес бұрын, жүйе Бас прокуратураның ақпараттық жүйесі арқылы сізде айыппұлдың бар-жоғын, Еңбек министрлігінің базасы арқылы — мүгедектік бойынша есепте барсыз-жоқсыз ба және ҚР ІІМ деректер базасының көмегімен – сізді жүргізуші құқығынан айыру туралы ақпараттың бар-жоғын тексереді.
Осы деректердің барлығы сіздің өтініміңізге автоматты түрде жазылады. Ал сізге анықтамалықтан Арнайы ХҚКО-ны таңдап, өз қаныңыздың тобын көрсетіп, қажет фотоны тіркеп жіберу керек. Бұдан соң, мемлекеттік баж салығын төлейсіз және өтінімге ЭЦҚ-мен қол қоясыз.
Осыдан кейін өтінім ҚР ІІМ-ге жүйесіне жіберіледі. Егер қандай да бір проблемалар туындаса, мысалы, сіздің фотосуретіңіз немесе басқа да мәліметтер сәйкес келмесе, сізге хабар беріледі және өтінім қаралмайды.
Егер полиция қызметкерінде ешқандай сұрақ болмаса, бір сағаттың ішінде жаңа жүргізуші куәлігі шығарылады. Сіз оны мамандандырылған ХҚКО-дан ала аласыз.
@egovhelpkz
