Ана мен бала өлімінің көрсеткіштері нашарлап кетті — Смайылов

Премьер-министр Әлихан Смайылов ана мен бала өлімінің көрсеткіштері нашарлап кеткенін айтып, бірқатар тапсырма берді, — деп хабарлайды Tengrinews.kz тілшісі үкіметтің баспасөз қызметіне сілтеме жасап.

«Ана мен бала өлімінің көрсеткіштері нашарлап кетті. Бұл шұғыл шаралар қабылдауды және әйелдер мен жаңа туған нәрестелердің денсаулығына тұрақты мониторинг жүргізуді талап етеді. Мүмкіндігі шектеулі балаларға уақытылы оңалту көмегін көрсетуге ерекше назар аудару қажет.

Өңірлермен бірлесіп, заманауи перинаталдық орталықтар салу, балалар ауруханаларын қазіргі заманғы диагностикалық және оңалту жабдықтарымен жарақтандыру жөнінде шаралар қабылдау қажет», — деді Әлихан Смайылов.

Сондай-ақ, ол денсаулық сақтау саласындағы бірқатар мәселені шешу бойынша тапсырма берді.

«Тегін медициналық көмектің кепілдік берілген көлеміне және міндетті әлеуметтік медициналық сақтандыруға қатысты халықтың тарапынан түсіп жатқан арыз-шағымдар көп. Бірінші кезекте, дәрігерлік көмектің көлемі жеткіліксіз деп шағым айтып жатыр.

Денсаулық сақтау министрлігіне Қаржы министрлігімен бірлесіп, биылғы жылғы 1 қарашаға дейін оларды қаржыландыруды жетілдіру жөнінде ұсыныстар дайындауды тапсырамын», — деді Смайылов.

Оның айтуынша, кадрлық әлеуетті нығайту үшін республикалық бюджет есебінен еңбек нарығына ең қажетті мамандықтар бойынша жыл сайын резидентураның білім беру гранттарын бөлу көзделген.

«Өңірлер де өз гранттарын ұлғайтуы тиіс. Бұл медицина кадрларының тапшылығын төмендетуге мүмкіндік береді», — деді премьер-министр.

Әлихан Смайылов денсаулық сақтауды цифрландыру мәселесі де маңызды екенін атап өтті. Бұл бағытта жұмыстар атқарылып жатыр.

«Барлық шаралар халыққа көрсетілетін қызметтердің жеделдігін, пациенттердің деректер базасының құпиялылығы мен сақталуын жақсартуға бағытталуы тиіс. Цифрлық даму министрлігімен бірлесіп, медициналық ақпараттық жүйелерді біріздендіру мен интеграциялауды қамтамасыз ету керек.

Денсаулық сақтау министрлігі мүдделі мемлекеттік органдармен және өңірлермен бірлесіп, осы жылдың қараша айында «Ауылда денсаулық сақтауды жаңғырту» ұлттық жобасын келісуді және бекітуді қамтамасыз етуі қажет», — деді ол.

Жаңа өнеркәсіптік саясат, өңдеу секторы және индустриялық-инновациялық даму

Қазіргі таңда әлемдік экономиканың даму қарқыны өндірістік технологиялардың жетілуімен,...

В ООН рассмотрят предложение Казахстана о создании международной водной организации

Предложение Токаева рассмотрят в Абу-Даби в рамках диалога о...

Президент жоғары бағалаған еңбек: ҚазҰУ ректорының халықаралық білім кеңістігіндегі тарихи бастамасы

Қазақстанның жоғары білім беру жүйесіндегі халықаралық беделі жаңа белестерге...

«Тәрбие баспалдағы» – тәрбие мен тағылым тоғысқан алаң

Алматы облысы Қарасай ауданына қарасты Абай ауылындағы №2 орта...

Сыбайлас жемқорлыққа қарсы мәдениет – қоғам дамуының маңызды негізі

Қазіргі таңда сыбайлас жемқорлықпен күрес – кез келген құқықтық,...