22 сәуірде зейнеткерлікке шыққан Нұрлан Қылышбаевтың орнына Алматы облысы бойынша Парламент Сенатының депутаттығына сайлау өтеді, — деп хабарлайды Tengrinews.kz тілшісі Орталық сайлау комиссиясы баспасөз қызметіне сілтеме жасап.
«Сенат депутатын жанама сайлау құқығы негізінде мәслихаттар депутаттары саналатын республика азаматтары жасырын дауыс беру арқылы сайлайды. Сайлау таңдаушылардың бірлескен отырысында сағат 11.00-де басталады», — делінген хабарламада.
Парламент Сенаты депутаттығына облыстан екі үміткер бар:
- Жанболат Жүргенбаев – Алматы облысы мәслихатының хатшысы;
- Гүлмира Ахметова – «Халық банк» облыстық филиалының директоры.
Облыстағы таңдаушылар тізімінде 358 мәслихат депутаты бар.
Еске салайық, 30 желтоқсанда Сенат депутат Нұрлан Қылышбаевтың өкілеті мерзімінен бұрын тоқтатылған болатын.
Қылышбаев 4 ақпанда Экология, геология және табиғи ресурстар министрлігінің Орман шаруашылығы және жануарлар дүниесі комитетінің басшысы болды.
