Әл-Фараби атындағы Қазақ ұлттық университетінің заң факультеті-еліміздегі ең беделді және тарихы терең білім беру мекемелерінің бірі. Заң саласында жоғары білікті мамандар даярлау арқылы факультет елдің құқықтық жүйесінің дамуына және қоғамның заң үстемдігін қамтамасыз етуге зор үлес қосып келеді.ҚазҰУ заң факультеті ашылған уақыттан бері Қазақстандағы заң ғылымының дамуына және құқықтық білім беру стандарттарының қалыптасуына ықпал етті. Университет көптеген заңгерлерді, судьяларды, прокурорлар мен адвокаттарды тәрбиелеп шығарды, олардың көпшілігі еліміздің заң жүйесінің түрлі салаларында жетекші орындарға ие.ҚазҰУ заң факультеті заманауи талаптарға сай білім беру бағдарламаларын ұсынады. Бұл бағдарламалар теория мен практиканы үйлестіруге, болашақ заңгерлердің жан-жақты және кәсіби қабілеттерін дамытуға бағытталған. Заң факультетінің профессорлық-оқытушылық құрамы құқықтық ғылым саласындағы маңызды зерттеулерді жүргізеді.
Заң факультетінің дамуының барлық кезеңдерінде оның қызметі Қазақстанның қоғамдық өмірімен, еліміздің экономикасының қажеттілігімен, құқық саласындағы жоғары білікті ғылыми, тәжірибелі кадрлармен қанағаттандыруымен тығыз байланыста болғанын айта кеткен жөн. Заң ғылымы, құқықтану, заң ілімі – құқықты әлеуметтік нормалардың ерекше жүйесі ретінде зерделейтін және құқықты қолдану қызметінің алуан түрлі қырларын зерттейтін қоғамдық ғылым. Факультеттің мақсаты – мемлекеттік-құқықтық мәселелерді шешуге қабілетті, біліктілігі жоғары заң саласына маман даярлау,еліміздің қоғамдық өмірі мен ғылымына, экономиканың маңызды бағыттарының қарқынды даму мәселелерін шешуге бағытталған заманауи, жоғары білімді, бәсекеге қабілетті мамандар буынын қалыптастыру. Университетте білім беру ісі реформаға сәйкес,оқытудың кредиттік жүйесі толық күшіне енген, оқу үдерісінің ашықтығы, білім алушылардың академиялық біліктілігі, «бакалавр – магистр – PhD» түрінде үш сатылы мамандар дайындау қамтамасыз етілгенФакультетте өткізілетін халықаралық конференциялар мен семинарлар студенттер мен оқытушыларға заманауи құқықтық мәселелерді талқылауға мүмкіндік береді.Факультеттің түлектері арасында елге танымал заңгерлер, судьялар, мемлекеттік қызметкерлер және қоғам қайраткерлері бар. Олар Қазақстанның құқықтық жүйесін жетілдіруге және заң үстемдігін қамтамасыз етуге зор үлес қосуда.
Әл-Фараби атындағы ҚазҰУ заң факультеті – бұл тек білім ордасы ғана емес, сонымен қатар, Қазақстанның құқықтық болашағын қалыптастыратын орталық. Заманауи білім беру жүйесі, жоғары білікті мамандар және халықаралық байланыстардың арқасында факультет құқық саласында көшбасшы рөл атқарып келеді. Егер сіз құқық саласында табысты мансап құруды жоспарласаңыз, ҚазҰУ заң факультеті – бұл армандарыңызға жетудің сенімді жолы.
Қожабек Қ.М
әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының аға оқытушысы
Го Ф
әл-Фараби атындағы ҚазҰУ-дың заң факультеті кеден қаржы және экологиялық құқық кафедрасының білім алушысы
