Ақтөбе облысы бойынша ҚАЖ департаментіне қарасты №8 түзеу мекемесіне Облыстық Өнер музейінің қызметкерлері келіп, сотталғандар үшін Қазақстан Республикасының Тәуелсіздік күніне арналған «Тәуелсіз елім — Тірегім» атты музей қорынан жабдықталған жылжымалы көрмені таныстырды.
Жылжымалы көрмеде мекемедегі жазасын өтеушілердің назарына ҚР Суретшілер Одағының мүшелері: И.В. Курманалинаның «Көктем», М.Б. Қожағұловтың «Ауылым», В.А. Русановскийдің «Фантазия», А.Ә. Еспаевтың «Ауылда» және И.Н. Казакованың «Сағыныш» шығармалары ұсынылды.
Кескіндеме жанрында дайындалған 20-дан астам жұмыста қылқалам шеберлерімен бейнелеген Туған жер, қазақ халқының бейбіт тіршілік-тынысы және сүйіспеншілігі көрініс тапқан шығармашылық туындылар жазасын өтеушілерге ерекше рухания демалыс сыйлады.
