Ақтөбе облысы бойынша ҚАЖ департаментіне қарасты Хромтау аудандық пробация қызметінің есебінде тұрған сотталғандар «1 наурыз — Алғыс айту күніне» орай, осы аудандағы қарттарға және дәстүрге деген құрметті күшейту, патриоттық тәрбиені нығайту мақсатында Хромтау аудандық жастар ресурстық орталығының ұйымдастыруымен өткізілген «Қол ұшын соз» акциясына қатысып, акция барысында жалғызбасты қарт ананың ауласын, үйінің есік алдын қардан тазалап, алғыс арқалады.
Осы орайда Хромтау аудандық пробация қызметі аяғын шалыс басып, істі болған сотталғандардың түзелу жолына түсуіне, қоғамдық іс-шараларға белсене қатысуына мүмкіндік сыйлап жүрген осы аудандағы Жастар ресурстық орталығына және «Қаһарман» қоғамдық бірлестігіне өз алғыстарын білдіреді.
