Қызылода облысы Жалағаш аудандық пробация қызметі аудандық Жұмыспен қамту орталығымен бірлесіп қайырымдылық жасады.
Ауқымды іс-шара аясында қайырымдылыққа мұқтаж тұрмыс жағдайы төмен 40 отбасыға азық- түлік таратылды.
Соның ішінде мал ұрлығы бойынша есепте тұратын Н.есімді күн көріс деңгейі төмен азаматтың отбасы жағдайын қолдау мақсатында, азық-түлік ретінде көмек берілді.
Жасалынған жақсылық үшін азамат,пробация қызметкерлеріне алғыс айтты.
Бүгінгі көрсетілген көмектеріңізге рахмет. Қиын жағдайда қолдау көрсетіп, мейірімділік танытқандарыңызға алғыс айтамын- деді, азық-түлік себетін алған азамат.
Қазіргі таңда Жалағаш аудандық пробациясында 35 сотталған есепте тұрады.
Олардың ішіндегі тұрмысы төмен отбасыларға жұмыспен қамту орталығының қолдауымен апта сайын осындай көмектер көрсетіліп тұрады.
Өйткені , есептегі азаматтардың қайта қылмыс жасауына отбасындағы материялдық жағдайының төмен болуы тікелей әсер етеді.
Сондықтан біздің қызмет тарапымыздан есептегілердің күн көріс қамы зерделеніп , әрдайым жіті қадағалауда болады- дейді , аға инспектор,әділет майоры А.Сақыбеков