Қызылорда облысы бойынша ҚАЖ департаментінің қызметкерлері Қазақстан Республикасының Тәуелсіздігі күніне орай А.С.Пушкин атындағы орталық кітапхана қызметкерлері ұйымдастырған «Қазақстан. Ұлы дала Елі. Тәуелсіздік» атты кең көлемді кітап көрмесіне барды.
Көрменің мақсаты- Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, еліміздің жеткен жетістіктері мен табыстарын, сондай-ақ қазақстандық қоғамдағы саяси, экономикалық, әлеуметтік және рухани игі өзгерістер белесін көпшілікке таныту.
Кітапхана қызметкері Тәуелсіз Қазақстанның 30 жылда қол жеткізген әлеуметтік- экономикалық, мәдени дамуы және халықаралық қатынастардың дамуына шолу жасап, еліміздің әдебиеті мен мәдениетіне тоқталып, қазақ тіліндегі әдебиеттермен таныстырды.
Шара соңында ҚАЖ қызметкері бірнеше өлеңнің авторы Қалжан Жұлдыз «Тәуелсіздік тұғырым!» атты өлеңін оқыды.
