Астана мен Алматыда Республика күніне арналған мерекелік отшашу болды, — деп хабарлайды Tengrinews.kz тілшісі.
25 қазанда қазақстандықтар Республика күнін атап өтті. Елордада мерекелік шаралар демеушілік есебінен ұйымдастырылған отшашумен аяқталды. Сағат 21.00-де қаланың екі нүктесінен — Атырау көпірінің маңындағы аумақтан (қала жағалауы) және Ботаникалық бақтан отшашу атылды.
Алматыда «Астана» алаңында мерекелік концерт өтті. Қала тұрғындары мен қонақтарына қазақ эстрадасының жұлдыздары өнер көрсетті. Шара соңында отшашу болды.
