2022 жылы 27 тамыз күні М.Өтемісұлы атындағы Батыс Қазақстан мемлекеттік университеті ұйымдастырған “Конституция-жаңа Қазақстанның дамуының негізі” атты ҚР Конституция күніне орай, дөңгелек үстел өткізілді.
Аталған дөңгелек үстелге БҚО бойынша ҚАЖД кадр саясаты тобының бас маманы әділет подполковнигі Асем Галимжановна Бердыкулова қатысып Қазақстан Республикасының Ата заңы қылмыстық-атқару жүйесінде жоғарғы деңгейде қолданылатындығы жөнінде сөз сөйледі. Дөңгелек үстелді М.Өтемісұлы атындағы БҚУ басқарма төрағасы Нұрлан Хабиболлаұлы Серғалиев басқарды.
Сонымен қатар, іс-шарада университет ұжымы, Орал қалалық сотының судьясы Рахметова Жанаргуль Жумаситовна, М.Өтемісұлы атындағы БҚУ құқықтық пәндер кафедрасының аға оқытушысы Нуржанова Айнагүл Канаткалиевна, БҚО Әділет департаментінің бөлім бастығы Маштаков Алтай Коянбаевич сөз сөйледі.
