«Қазтелерадио» АҚ жоспарлы-профилактикалық жұмыстар жүргізілуіне байланысты 20 сәуірде сағат 03:00 мен 17:00 аралығында телерадио хабар тарату жұмысы уақытша тоқтатылатынын жария етті, деп хабарлайды Zakon.kz.
2022 жылдың 20 сәуірде сағат 03:00 мен 17:00 аралығында (Нұр-Сұлтан қаласының уақытымен) жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады.«Қазтелерадио» АҚ баспасөз қызметі
Айта кетсек, «Қазтелерадио» АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет, ал тоқсан сайынғы жоспарлы-профилактикалық жұмыстар сервисті ұзақ уақыт өшіруге мүмкіндік береді, сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады.
Уақытша қолайсыздықтар үшін кешірім өтінеміз, делінген ресми хабарламада.
