«Қазгидромет» РМК синоптиктері 19, 20 және 21 сәуірдегі ауа райы болжамын айтты, — деп хабарлайды Tengrinews.kz тілшісі.
Болжамға сәйкес, алдағы үш тәулікте Қазақстан бойынша синоптикалық процестер жылдам ауысады деп болжанған. Осылайша ауа райы құбылмалы болады деп күтеледі: жауын-шашын, найзағай болып, жел күшейеді. Елдің оңтүстігінде, оңтүстік-шығысында және шығысында қатты жел соғып, жаңбыр жауады, сондай-ақ бұршақ жауу ықтималдығы бар.
«Солтүстік-батыс антициклон әсерін сақтап, шығыс бағытқа қарай жылжыйды: елдің орталығы мен шығысында ауа температурасы біртіндеп төмендейді — түнде 3 градус аяз — 5 градус жылы, күндіз 5-15 градус жылы, Қарағанды және Шығыс Қазақстан облыстарының оңтүстігінде 20 градусқа дейін жылы болады деп болжанған», — делінген хабарламада.
