Ұлттық қауіпсіздік комитеті ақпан-наурыз аралығында заңсыз айналымнан, оның ішінде қаңтар оқиғасы кезінде ұрланған қаруды іздестіру және тәркілеу бойынша жедел іздестіру шараларын жүргізді, — деп хабарлайды Tengrinews.kz тілшісі ҰҚК баспасөз қызметіне сілтеме жасап.
Маңғыстау облысының Жаңаөзен қаласында елестету қаруын жауынгерлікке қайта жасау жөніндегі цех жойылды. Осы әрекетті ұйымдастырды деген күдікпен екі азамат ұсталды. Үстау кезінде 4 «Калашников» автоматы, «СКС» иір ойықты карабині және 48 патрон тәркіленді.
Алматы облысында қаңтар оқиғасы кезінде Алматы қаласындағы қару дүкенін тонауға қатысы бар деген күдікпен қылмыстық топ ұсталды. Тергеу іс-қимылдары барысында қылмыстық топ қару жасырған орын табылып, одан 189 патрон тәркіленді.
Алматы қаласында бұрын ұсталған «Қазақстандықтар» ҰҚТ мүшелері 19 бірлік тегіс ұңғылы мылтықты ерікті түрде тапсырды.
Сонымен қатар Алматы өңірінің тұрғындарынан 9 бірлік қару, 274 патрон тәркіленді.
Тараз қаласында анықталған жасырын орыннан 1 «Калашников» автоматы, калибрі 5.45 милиметр 31 патрон, оқжатары бар 2 «Макаров» пистолеті, 12-ші калибрлі бір ұңғылы келте мылтық тәркіленді.
Павлодар облысында 2 келте мылтық, 1 «Ф-1» гранатасы, «PTB140/2» маркалы пистолет және әртүрлі калибрдегі 70 патрон жасырған орын табылды.
Солтүстік Қазақстан облысында оқ-дәрілерді ұрлады және өткізді деген күдікпен Петропавл қаласының тұрғыны ұсталып, одан «Макаров» пистолетіне 961 патрон және «Калашников» автоматына 741 оқ-дәрі табылып, тәркіленді.
Түркістан облысында ҰҚК полициямен бірлесіп, Жетісай ауданының тұрғынын ұстады. Одан тұрғылықты жері бойынша келте мылтық және «Калашников» автоматына 20 патрон тәркіленді.
Қызылорда облысында иесіз қалған ғимараттағы жасырын орыннан оптикалық көздеуіші бар «Тигр» маркалы 1 карабин және оған 17 патроны бар 2 оқжатар алынды.
Атырау облысында 12-ші калибрлі 2 тегіс ұңғылы келте мылтық тәркіленді.
Заңсыз айналымнан барлық алынғаны: 47 бірлік қару, 2 граната, 2398 оқ-дәрі.
Осы дерек бойынша сотқа дейінгі тергеу жүргізіліп жатыр.
