Атырау облысы бойынша ҚАЖ департаментіне қарасты №79 мекемесінде тәрбиелік-танымдық бағыттағы кездесу ұйымдастырылды. Іс-шараға Қазақстан халқы Ассамблеясы жанындағы Атырау облысы Аналар кеңесі мүшелері қатысып, сотталған азаматшалармен мазмұнды сұхбат өткізді.
Кездесу барысында әйел-аналардың қоғамдағы рөлі, отбасы құндылығы, мейірімділік пен аналық сезімнің маңыздылығы жөнінде түсіндірме жұмыстары жүргізілді. Кеңес мүшелері өмірлік тәжірибелерімен бөлісіп, тағылымды ой-пікірлерін жеткізді.
Сонымен қатар, шара аясында аналар туралы әсерлі әндер шырқалып, қатысушыларға рухани серпіліс сыйлады
