2025 жылы Қарағанды облысында сыбайлас жемқорлыққа қарсы тәуекелдерді сыртқы талдау және сыбайлас жемқорлыққа қарсы мониторинг жүргізілді. 3 сыртқы талдау қорытындысы бойынша
17 ұсыныс, ал 4 сыбайлас жемқорлыққа қарсы мониторинг нәтижесінде 11 ұсыныс берілді. Барлық ұсыныстар Әдеп жөніндегі кеңестің отырыстарында қаралып, орындалуы бақылауда
Сыбайлас жемқорлыққа қарсы мәдениетті қалыптастыруға ерекше көңіл бөлінді. Жыл ішінде11 750-ден астам адам қамтылған
215 іс-шара өткізілді. 42 сыбайлас жемқорлыққа қарсы баннер орнатылды, 25 ұйым мен 12 көшелік LED-экранда бейнероликтер көрсетілді. Жастар арасында шамамен 7 мыңға жуық ақпараттық материал таратылды.
Халықаралық сыбайлас жемқорлыққа қарсы күрес күні аясында сыбайлас жемқорлыққа қарсы тақырыптағы конкурстар өткізілді, барлық білім беру ұйымдарында «Адалдық сағаты» акциясы ұйымдастырылды.
Комплаенс қызметі квазимемлекеттік сектор субъектілерімен жұмысты жүйелі түрде үйлестіруде. Облыста 200-ден астам квазимемлекеттік сектор субъектілері бар.
Комплаенс офицерлердің қатысуымен сыбайлас жемқорлыққа қарсы семинарлар, кездесулер, интеллектуалды квиз-ойындар және онлайн-консультациялар өткізілді.
Аталған жұмыстар мемлекеттік органдардың қызметінде ашықтықты арттыруға және сыбайлас жемқорлыққа қарсы мәдениетті нығайтуға бағытталған жүйелі тәсіл болып табылады.
