Атырау облысы бойынша ҚАЖ департаменті 79 мекемесінің жеке құрамына арнайы қару мен арнайы құралдарды қолдану тәртібін үйретуге бағытталған оқу-жаттығу сабағы өткізілді.
Іс-шара барысында қызметкерлерге арнайы қаруды заң шеңберінде қолдану, қауіпсіздік шараларын сақтау, қарудың түрлері мен қолдану жағдайлары бойынша теориялық және практикалық сабақтар ұйымдастырылды.
Жаттығу мақсаты – жеке құрамның кәсіби дағдыларын арттырып, төтенше және штаттан тыс жағдайларда жедел әрі заңға сай әрекет ету қабілетін қалыптастыру.
Сабақ соңында қатысушыларға нұсқаулықтар беріліп, жаттығу нәтижелері қорытындыланды.
