28 шілде күні Астана қаласы бойынша ҚАЖ департаментінің №3 мекемесінде ҚР Конституциясының 30 жылдығына орай жарияланған рақымшылық аясында жеті сотталған азамат бостандыққа шықты.
Бостандыққа шыққандарды туыстары мен жақындары қуанышпен қарсы алып, мекеме қызметкерлеріне көрсеткен қолдауы мен адам құқықтарын сақтау бағытындағы еңбектері үшін алғыс білдірді.
Рақымшылыққа іліккен азаматтар жіберген қателіктерінен сабақ алғандарын айтып, ел азаматтарын заңды бұзбауға және қылмыс жасамауға шақырды. Олар мемлекет берген екінші мүмкіндікті бағалай отырып, жаңа өмір бастауға ниетті екендерін жеткізді.
